Papa Leoni të dielën ka dënuar përshkallëzimin e luftës në Ukrainë, duke bërë thirrje që “armët të heshtin dhe të ndiqet rruga e dialogut”.

Ai e ka bërë këtë apel pas një meshe të mbajtur në ambient të hapur pranë kryeqytetit të Angolas, Luanda, ku kanë marrë pjesë rreth 100 mijë njerëz.

Papa, i cili është i pari Papë nga Shtetet e Bashkuara, ka përdorur rastin për të theksuar nevojën për paqe dhe zgjidhje diplomatike në konfliktet globale.

Në të njëjtën deklaratë, ai ka përshëndetur edhe armëpushimin mes Izraelit dhe Libanit, i cili synon t’i japë fund luftimeve midis forcave izraelite dhe grupit Hezbollah të mbështetur nga Irani, duke e cilësuar atë si një “arsye për shpresë”.

Papa ka theksuar se çdo hap drejt uljes së dhunës dhe dialogut është i rëndësishëm për stabilitetin global, duke bërë thirrje që liderët botërorë të zgjedhin rrugën e negociatave në vend të përshkallëzimit ushtarak./A2CNN