Tetë persona kanë rënë në prangat e Policisë në Prishtinë, të dyshuar për posedim droge. Bazuar në njoftimin zyrtar, Drejtoria e policisë së kryeqytetit, në kuadër të planit operativ për luftimin e narkotikëve “Stop drogave”, gjatë tri ditëve të fundit ka realizuar një sërë aktivitetesh policore.

Si rezultat i këtyre veprimeve, pos arrestimit të tetë persona të dyshuar për posedim të substancave narkotike, po ashtu në koordinim me prokurorin e shtetit janë hapur shtatë raste të ndryshme të kësaj natyre.

Gjatë operacioneve policore, janë sekuestruar sasi të ndryshme të substancave të dyshuara si marihuanë dhe kokainë.