Ariana Musliu Shoshi nga Partia Demokratike e Kosovës ka thënë se zgjedhjet duhet të jenë garë idesh, e jo betejë propagande.

Në një shkrim në Facebook, ajo ka thënë se shtatë qershori është një moment i rëndësishëm për demokracinë e vendit.

“7 qershori është një moment i rëndësishëm për demokracinë tonë.

Pas një periudhe të tensioni politik, qytetarët e Kosovës marrin sërish në dorë vendimin më të madh, drejtimin e vendit.

Zgjedhjet duhet të jenë garë idesh, jo betejë propagande.

Duhet të jenë rikthim i besimit, jo thellim i ndasive.

Duhet të jenë përgjegjësi, jo improvizim.

Kosova ka nevojë për stabilitet institucional, e për politika që i shërbejnë qytetarit e JO pushtetit.

Në këtë rrugë, Partia Demikratike e Kosovës,

mbetet e përkushtuar për një vizion të qartë, për zhvillim dhe për rikthimin e dinjitetit të shtetit.

Le të jetë kjo një garë e ndershme, me standarde të larta dhe me respekt për vullnetin qytetar”, ka shkruar ajo.