Mediat amerikane raportojnë se është identifikuar personi i dyshuar që hapi zjarr pranë një pike kontrolli të Shërbimit Sekret afër Shtëpisë së Bardhë.

Sipas raportimit të NBC News, i dyshuari është Nesire Best, i cili, sipas burimeve të zbatimit të ligjit, ka vdekur nga plagët e marra gjatë incidentit.

Zyrtarët kanë bërë të ditur se Best kishte një histori të dokumentuar me organet e rendit dhe shqetësime të mëparshme të lidhura me shëndetin mendor.

Ngjarja ndodhi pranë kryqëzimit të rrugëve 17th Street dhe Pennsylvania Avenue, në afërsi të Shtëpisë së Bardhë. Autoritetet po vazhdojnë hetimet për të sqaruar rrethanat e plota të incidentit.

Sipas raportimeve, sistemi i sigurisë e kishte identifikuar personin, megjithatë ai arriti të afrohej në zonën e sigurisë pranë Shtëpisë së Bardhë para se të ndalohej.