Kandidati për Kryeministër i PDK-së, Bedri Hamza, ka mbajtur një tubim me qytetarët e Vitisë.

Hamza ka thënë se Vitia ka potencial, por ende pret investimet dhe infrastrukturën që meriton.

“Vitia edhe sot nuk është e lidhur si duhet me autostradën “Arbën Xhaferi””, ka shkruar ai.

Kryetari i PDK-së ka thënë se deri sa familjet përballen me çmime të larta, qeveria aktuale kërkon pushtet absolut, si dhe deri sa qytetarët kërkojnë jetë më të mirë, ajo nxit përplasje politike.

“Qytetarët i numërojnë centët për të përballuar muajin, ndërsa qeveria merret me kalkulime elektorale dhe mendon vetëm për votat e tyre. Kjo nuk është ajo që presin qytetarët. As këtu në Viti dhe askund tjetër. Kosova nuk ka më kohë për të humbur”, ka shkruar Hamza.