Opinionisti Vehbi Kajtazi ka folur lidhur me rastin e profilit të rremë me emrin “Lule Gjeli.

Ai u shpreh se ajo është një platformë e Lëvizjes Vetëvendosje dhe kryeministrit në detyrë, Albin Kurti.

“Lule Gjeli” është platformë e Lëvizjes Vetëvendosje. “Lule Gjeli” është platformë e Albin Kurtit”, deklaroi ai në KlanKosova.

Sipas Kajtazit, baza e kësaj platforme buron nga një dokument që, sipas tij, është hartuar nga Albin Kurti në vitin 2016, me titull “Mbi organizimin politik të Lëvizjes Vetëvendosje”.