Pritjet në pikat kufitare të Kosovës janë reduktuar dukshëm krahasuar me orët e mëparshme.

Sipas të dhënave të përditësuara në orën 21:14, pritjet aktualisht variojnë nga 5 deri në 30 minuta, ndërsa në disa pika ka edhe kolona të konsiderueshme.

Pritjet më të gjata janë në Muçibabë, deri në 30 minuta, ndërsa në Dheu i Bardhë dhe Hani i Elezit pritjet shkojnë deri në 20 minuta.

Krahasuar me më herët, kur pritjet në disa pika kufitare arrinin deri në rreth një orë, tash situata është lehtësuar ndjeshëm.