Ismet Sylejmani

Më gjashtë tetor gjashtëdhjetë e tetë, pra më 6 Tetor të vitit 1968, fillon përdorimi edhe de jure i Flamurit Kombëtar në Kosovë dhe në viset shqiptare në ish-Jugosllavi, FLAMURIT që, si askush tjetër në historinë e popullit tonë, e kishte ujitur me gjakun e tij Shqiptari Flamur, Heroi i Kombit Fazli Grajçevci!

Më shumë se pesë dekada e gjysmë kanë kaluar, por kjo ngjarje e madhe kombëtare mbetet një kryedatë e mobilizimit heroik të popullit shqiptar!

Flamuri ynë bashkoi breza në qëndresë e sakrificë, duke mbajtur gjallë besimin në liri dhe në dinjitetin kombëtar!

Ushtria Çlirimtare e Kosovës dhe Ushtria Çlirimtare Kombëtare e realizuan ëndrrën e SHQIPTARIT FLAMUR, Heroit të Kombit Fazli Grajçevci!

Në betejat për liri, jetoi edhe ideali për të cilin Ai dha jetën, që shqiptari të qëndronte krenar në tokën e vet, me Flamurin Kombëtar të ngritur lartë!

Lavdi gjakut të derdhur për Flamurin Kombëtar!
Lavdi Heroit të Kombit Fazli Grajçevci!
Rroftë Flamuri Kombëtar!

Prishtinë, 6 Tetor 2026!