Deputeti i Partisë Demokratike të Kosovës (PDK), Përparim Gruda, ka reaguar lidhur me dorëheqjen e Bedri Hamzës, duke e falënderuar për përkushtimin, përgjegjësinë dhe punën e bërë.

Përmes një postimi në “Facebook”, Gruda ka thënë se Hamza përfaqëson një standard të rëndësishëm në politikë, të cilin duhet ta ruajnë dhe ta kultivojnë edhe më tej.

Postimi i plotë:

Kryetar Bedri Hamza, faleminderit për përkushtimin, përgjegjësinë dhe punën e bërë! Ju përfaqësoni një standard të rëndësishëm në politikë, të cilin duhet ta ruajmë dhe ta kultivojmë edhe më tej.

Ishte nder dhe kënaqësi të punojmë bashkë dhe jam i bindur se kemi ende shumë punë të mira për të bërë për PDK-në dhe Kosovën.