Kryetari i Komunës së Prishtinës, Shpend Ahmeti, ka treguar se në disa lokacione në qytet janë duke punuar në rregullimin e hapësirave të parkingjeve të lagjes.

Këtë e ka bërë me dije përmes një postimi në profilin e vet në “Facebook”, duke lutur banorët që të largojnë veturat dhe mos të parkojnë në vendpunishte, në të kundërtën thotë se do të konfiskojnë veturat.

Postimi i plotë i tij:

Në disa lokacione në qytet jemi duke punuar ? në rregullimin e hapësirave të parkingjeve të lagjes.

Parkingu te rruga “Qamil Hoxha” në qendër dhe “Iliaz Kodra” në Dardani janë dy prej tyre, prandaj lusim banorët që të i largojnë veturat dhe të mos parkojnë në vendpunishte.

Në të kundërtën, detyrohemi që të i konfiskojmë veturat.

Falenderojmë banorët për mirëkuptim dhe bashkëpunim, në mënyrë që punimet të realizohen në afat të planifikuar.