Kapiteni i Kosovës në futboll, Amir Rrahmani, do të luajë nga minuta e parë në ndeshjen e dytë kthyese të gjysmëfinales së Kupës së Italisë, që Napoli e luan ndaj Atalantas.

Mbrojtësi i Kosovës do ta ketë rastin të paraqitet në këtë takim pas lëndimit të Kalidou Koulibalyt dhe Kosas Manolasit. Përveç Rrahmanit, në këtë takim do të luajë edhe mbrojtësi Elseid Hysaj.

Ndeshja Atalanta – Napoli luhet e mërkurë nga ora 20:45. Takimi i parë kishte përfunduar pa gola.