Sekretari i përgjithshëm i NATO-s, Jens Stoltenberg, do të qëndrojë nesër (e enjte) në Kosovë ku do ta vizitojë KFOR-in.

Gjatë vizitës së tij, Stoltenbergu do të takohet me komandantin e KFOR-it, Franco Federicin dhe drejtorin e Ekipit Këshillues dhe Ndërlidhës të NATO-s, Frank Best.

Ai do t’i takojë edhe trupat e KFOR-it që janë Kosovë.  Po ashtu, Stoltenbergu do të ketë takime bilaterale edhe me presidenten Vjosa Osmani, kryeministrin Albin Kurti dhe ministrin për Komunitete dhe Kthim Goran Rakiq.