Emisari i BE-së për dialogun Kosovë-Serbi, Miroslav Lajçak, ka thënë se takimet që pati në Kosovë ishin të dobishme.

Ai para gazetarëve ka folur edhe për hapjen e arkivave dhe për deklaratën e zëvendëskryeministrit Besnik Bislimi, për të cilën tha se u keqkuptua në Kosovë.

“Bislimi më tha se nuk ka arkiva të UÇK-së, por vetëm arkiv shtetëror”, ka treguar ai.

Lajçak për këtë çështje shtoi se s’ka pasur diskutime specifike në mes të Bislimit dhe Petar Petkoviqit nga pala serbe.