Pesë marrëveshjet e firmosura sot në Tiranë në kuadër të “Ballkanit të hapur” do të hyjnë menjëherë në fuqi. Kështu kanë deklaruar tre liderët rajonal, kryeministri i Shqipërisë, Edi Rama, ai i Maqedonisë, Zoran Zaev dhe presidenti i Serbisë, Aleksandër Vuçiq.

“Do të jenë menjëherë pas nënshkrimit. Do të fillojë puna. Janë të menjëhershme” ka thënë Edi Rama.

Ndërsa presidenti serb ka thënë se është i vetëdijshëm për problemet e para që mund të dalin pasi të nisë zbatimi i këtyre marrëveshjeve.

Në anën tjetër, kryeministri Zaev ka thënë se marrëveshja e bujqësisë e nis zbatimin sot. “Ajo për tregun e punës në javët dhe muajt në vijim” ka thënë Zaevi.