Kurti për ‘SkyNews’: Ballkani nuk është imun ndaj agresionit rus
Kryeministri i vendit, Albin Kurti sot në një intervistë për SkyNews ka folur për gjendjen në Ukrainë, ndërkaq theksoi se as Ballkan nuk është imun ndaj situatës atje.
Kurti, siç njofton Telegrafi theksoi se e njëjta situata si në Ukrainë, ka qenë edhe në pranverën e 1999 në Ballkan.
“Tashmë këtë e kemi parë edhe në Ballkan në pranverën e vitit 1999. Mbi 860 mijë qytetarë ishin larguar nga Kosova. Qindra masakra të ndodhura, mbi 12 mijë civilë të paarmatosur janë vrarë dhe rreth 20 mijë gra janë përdhunuar. Tashmë po e shohim agresionin rus në Ukrainë, ku secili lider është duke e dënuar. Tashmë jemi në përkrahje të popullit ukrainas për respektim të integritetit territorial”, tha ai, raporto Telegrafi.
Sipas tij, Ballkani nuk është imune nga gjendja në Ukrainë, sepse në Ballkan ka ende vend që nuk kanë vendosur sanksione ndaj Federatës Ruse dhe për t’iu bashkangjitur BE-së dhe ta dënoj veprimin, dhe kjo është Serbia, fqinji ynë.
“Kjo ka shumë lidhje me Rusinë, si kulturore dhe historike në një anë dhe ekonomike e ushtarake”, tha ai.