Ministria e Kulturës, Rinisë dhe Sportit ka njoftuar se është miratuar Projektligji për Art dhe Kulturë.

Projektligji i ri, ndër të tjera, do të ofrojë kushte më të favorshme për krijimtari artistike, më pak burokraci, më shumë program artistik e kreativitet, forma të reja të mbështetjes së institucioneve publike të artit dhe skenës kulturore, bazë ligjore për themelimin e Muzeut të Artit Bashkëkohor dhe Këshillit Kombëtar të Arteve, njohje ligjore të skenës së pavarur dhe statusit të artistit të pavarur e artistëve meritorë.

“Me këtë projektligj do të vendosim standard të ri, një politikë kulturore me vizion të qartë zhvillimor”, ka njoftuar ministri Hajrulla Çeku.