Sot është bërë shpërndarja e 100 pakove ushqimore nga “Festimi Tours” për familjet me gjendje të rëndë ekonomike në Komunën e Podujevës.

Përzgjedhja e familjeve për përfituesit e pakove ushqimore është bërë nga Drejtoria e Shëndetësisë dhe Mirëqenies Sociale në bazë të regjistrave që posedon kjo drejtori për familjet me gjendje të rëndë ekonomike.

Komuna e Podujevës falënderon “Festimi Tours” për donacionin dhe të gjithë donatorët tjerë që po ndihmojnë familjet nevojtare në Podujevë, në prag të festës së Fitër Bajramit.