Aksident në Trudë, tre të lënduar

27 tetor 21:59

Tre persona kanë mbetur të lënduar si pasojë e një aksidenti trafiku në fshatin Trudë, ku u përfshinë tri vetura.

Tre të lënduarit janë dërguar në QKUK për trajtim mjekësor.

Lajmin për Gazetën Express e ka konfirmuar zëdhënësi i Policisë së Kosovës për rajonin e Prishtinës, Agron Borovci.

“Rreth orës 20:00 është pranuar informata për një aksident trafiku rrugor të ndodhur në fshatin Trudë. Deri më tani  bëhet e ditur se në aksident janë përfshirë tri automjete dhe për pasojë tre persona kanë pësuar lëndime trupore. Të lënduarit janë dërguar në QKUK, për trajtimin e nevojshëm mjekësor.

Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti”, tha Borovci.

Lajme të sponsorizuara

Të fundit
Daut Haradinaj ka thënë se AAK e mbështet Qeverine Kurti…