Zëdhënësi i Prokurorisë, Ekrem Lutfiu, ka dhënë detaje për aksionin që Policia e Kosovës dhe Dogana sot po e zhvillojnë në veri të vendit.

Ai ka treguar se aksioni është duke u zhvilluar me urdhër të Prokurorisë Speciale.

Sipas tij, dyshimet janë për kryerje të veprave të ndryshme penale.

“Ju njoftojmë se aksioni është duke u zhvilluar ne urdhër të Prokurorisë Speciale, për veprat penale korrupsioni, marrje ryshfeti dhe shpërdorim të detyrës zyrtare”, ka thënë Lutfiu për gazetën “Insajderi”.

Policia e Kosovës nga orët e mëngjesit është duke e zhvilluar një aksion në veri të vendit, ku ka bastisur disa lokacione.