Albin Tahiri fiton normën Olimpike edhe në disiplinën e sllallomit

08 mars 2021 | 16:04

Albin Tahiri ka fituar normën Olimpike edhe në disiplinën e sllallomit të skijimit alpin për Lojërat Olimpike Dimërore “Pekini 2022”.

Tahiri fitoi normën falë rezultatit të arritur në garën e Rogllas së Sllovenisë. Ai doli i 40-ti me kohë 1:36.17 minuta pas dy lëshimeve, ndërsa fitoi 123.19 pikë të Federatës Ndërkombëtare të Skitarisë, që ishin të mjaftueshme për të kompletuar rezultatet e nevojshme për normë Olimpike. Pjesëmarrës në garë ishin 79 garues, ku 35 nuk e përfunduan njërin nga dy lëshimet. 32-vjeçari, javën e kaluar e fitoi normën Olimpike edhe në disiplinën e sllallomit të madh.

“Pas sllallomit të madh, me rezultatin e sotëm kam kompletuar kriteret olimpike edhe në sllallom. Prej tani fokusi im do të jetë në disiplinat e shpejta si super sllallom të madh, kombinim alpin dhe lëshim”, ka thënë Tahiri për Komitetin Olimpik të Kosovës. Në sllallom normën Olimpike e ka të fituar edhe Arbi Pupovci.

Lajme të sponsorizuara

Të fundit
Kryetari i Komunës së Podujevës, Shpejtim Bulliqi, së bashku me…