Liverpooli ka njoftuar se e ka transferuar Mac Allister. 24-vjeçari ka përfunduar me sukses testet mjekësore dhe ka rënë dakord për kushtet personale për t’u bërë nënshkrimi i parë i Liverpoolit në këtë afat kalimtar.

Allister do të arrijë në “Anfield” më pak se gjashtë muaj pas shpalljes kampion me Argjentinën në Kupën e Botës në Katar dhjetorin e kaluar, duke mbyllur një sezon shumë mbresëlënës me Brightonin.

“Ndihet e mrekullueshme. Është një ëndërr e realizuar, është e mrekullueshme të jesh këtu dhe mezi pres të filloj. Doja të isha [që nga] dita e parë e para-sezonit, kështu që është mirë që gjithçka është bërë. Mezi pres të takoj shokët e skuadrës. Ishte një vit fantastik për mua – Kupa e Botës, ajo që arritëm me Brighton, por tani është koha të mendojmë për Liverpoolin dhe të përpiqemi të jemi një lojtar më i mirë dhe një qenie njerëzore më e mirë çdo ditë”, ka thënë Allister.