Lazio ka lëshuar mundësinë për të shpresuar në kualifikim për në Ligën e Kampionëve.

Sezonin e shkuar, kjo mundësi u shpërdorua në fund, ndaj Interit, ndërsa tani e bëjnë sërish me një ekip zikaltër, por Atalanta e Berat Gjimshitit, që ka realizuar golin e dytë këtë kampionat, pas atij ndaj Interit.

Sërish me kokë. Ishte goli që vulosi gjithçka në “Olimpico”, aty ku edhe rrebeshi bëri gjithçka të vështirë. Lazio e nisi mirë, me gol të Parolos, më pas pësoi tri gola me Duvan Zapata, Castagne dhe autogolit të Wallace.