Brenda katër muajve 228 lehona në Malishevë janë përkrahur me nga 100 euro

29 prill 2021 | 11:02

Në kuadër të zbatimit të vendimit të Kuvendit të Komunës së Malishevës, për përkrahje për çdo fëmijë që lind, në katër muajt e parë të këtij viti janë përkrahur me mjete 228 lehona, apo si shumë totale, 22 800 euro.

Kështu ka bërë të ditur sot, drejtori i Drejtorisë për Buxhet dhe Financa, Valon Mazreku.

Kuvendi i Komunës së Malishevë, ka marrë vendim që të përkrahen nënat për çdo fëmijë që lindin, me shumën prej 100 euro dhe ky vendim është duke u zbatuar prej shtatorit të vitit 2018.

Sipas drejtorit Mazreku, gjatë këtij viti janë paguar mjetet për 228 nëna lehona, të cilat kanë aplikuar për këtë përkrahje, ndërsa edhe brenda muajit maj, varësisht nga aplikimet, pritet të përkrahen edhe 150 nëna të cilat kanë lindur fëmijë.

Lajme të sponsorizuara

Të fundit
Të enjten (sot) do të zhvillohet ndeshja e dytë e…