Broja përfundon në listën e Milanit
23 shtator 2022
| 11:57
Zlatan Ibrahimoviqi nga sezoni i ardhshëm me shumë mundësi nuk do të jetë pjesë e Milanit për shkak të moshës dhe dëmtimeve. Mes emrave për ta zëvendësuar prej javësh qarkullojnë Hajlund dhe Kudus.
Gjithsesi “Corriere dello Sport” konfirmon se një objektiv i madh është Armando Broja. Sulmuesi kuqezi është kërkuar me ngulm në muajt e fundit nga Napoli, por në fund vendosi të qëndronte te Chelsea.
Blutë e Londrës për ta lënë të lirë kërkojnë plot 35 milionë euro, teksa së fundmi kanë rinovuar kontratën me bomberin 21-vjeçar edhe për disa vjet të tjera.