Rrjetet sociale janë përfshirë së fundmi në një valë postimesh që pretendojnë se Jennifer Lopez dhe Will Smith janë çifti më i ri në Hollywood.

Megjithatë, këto pretendime nuk rezultojnë të jenë të vërteta.

Mediat e huaja shkruajnë se spekulimet janë rikthyer pasi në internet kanë nisur të qarkullojnë klipe të vjetra dhe thashetheme të hershme, duke krijuar përshtypjen e një romance të fshehtë mes dy yjeve.

Pavarësisht kësaj, nuk ekziston asnjë provë e besueshme që të konfirmojë një lidhje romantike mes tyre.

Pjesa më e madhe e këtyre diskutimeve lidhet me histori të vjetra që përfshijnë gjithashtu emra si Jada Pinkett Smith dhe Sean Combs, të cilat kanë qarkulluar prej vitesh në rrjet, por nuk janë vërtetuar kurrë.

Pas divorcit të saj në vitin 2025 nga Ben Affleck, Jennifer Lopez raportohet se është e fokusuar te familja dhe projektet e saj profesionale. Nga ana tjetër, Will Smith vazhdon të jetë i lidhur publikisht me Jada Pinkett Smith, edhe pse çifti ka pranuar më herët se jetojnë në mënyrë të pavarur.

Dy artistët ndajnë një histori të përbashkët profesionale në industrinë e filmit. Në të kaluarën, Lopez ka zbuluar se ajo dhe Smith kishin diskutuar për një bashkëpunim në një version të hershëm të filmit “A Star Is Born”, projekt që nuk u realizua kurrë. Ky detaj ka rikthyer interesin e fansave, por nuk lidhet me ndonjë marrëdhënie aktuale.

Deri më tani, “romanca” mes Jennifer Lopez dhe Will Smith mbetet thjesht një tjetër shembull i thashethemeve që rikthehen në rrjetet sociale, pa asnjë konfirmim zyrtar.