Covid-19, infektologu Sadiku: Po hyjmë në një fazë të re

18 tetor 2020 | 18:24

Infektologu Izet Sadiku përmes një shkrimi në llogarinë e vet në “Facebook” ka folur për gjendjen aktuale të pandemisë Covid-19 në Kosovë, raporton “Epoka e re”

Sadiku ka thënë se rritja e numrit të rasteve ka qenë e pritur.

“Në javën e fundit kemi pasur rritje të rasteve me Covid-19 e cika ka qenë e pritur sidomos tash kur po shohim rritjen e shpejt të rasteve në Evropë. Java e fundit ka treguar që po hyjmë shumë shpejt në një fazë të re dhe shtetet evropiane kanë filluar aplikimin e masave të reja për të parandaluar dhe mbajtur në kontroll një valë të re të infeksionit. Edhe Kosova duhet të analizojë forcimin e masave me qëllim të parandalimit të rritjes së rasteve që mund të jenë të papërballueshme për sistemin spitalor”, ka shkruar ai.

Sodiku ka theksuar se numri i rasteve në Prishtinë është shume i lartë, diku 40-50% e rasteve të reja, e cila është e kuptueshme duke ditur aktivitetet në Prishtinë, por, sipas tij, duhet edhe mobilizim më i madh sidomos i pushtetit lokal sepse nuk ka asnjë aktivitet më i rëndeshim në ketë fazë se sa parandalimin dhe luftimi i Covid-19.

“Rritja e kapaciteteve testuese e cila do të vazhdojë të rritet edhe javëve në vijim, punësimi i mbi 600 punëtorëve shëndetësorë, rritja e pajisjeve dhe kapaciteteve spitalore dhe rritja e numrit të inspektorëve, janë disa masa që janë ndërmarrë për luftimin dhe parandalimin e pandemisë të cilat kanë dhanë rezultate. Tash duhet filluar kontrolli rigoroz i respektimit të masave dhe duhet të fillojë aplikimi i masave parciale, aty ku nuk respektohen masat aty merren masat ndëshkuese, Të analizohen veprimtarit që rrisin rrezikun e infeksionit më shumë, pra të merren masa për reduktim të tyre. Të bëhet vaksinimi për gripin sezonal. Të respektohen masat parandaluese”, ka shkruar Sadiku.

 

Lajme të sponsorizuara

Të fundit
Deputeti Bekë Berisha nga radhët e AAK-së ka zhvilluar një…