De Biasi pritet të largohet nga Kombëtarja e Azerbajxhanit
Trajneri italian, Gianni De Biasi do të largohet nga posti i përzgjedhësit të Kombëtares së Azerbajxhanit.
Kjo është bërë e ditur nga gazetari i njohur, Nicolo Schira që ka shkruar se Federata e Futbollit e Azerbajxhanit ka vendosur të shkëpus kontratën me italianin.
“Federata e Futbollit të Azerbajxhanit ka vendosr të mos i vazhdojë kontratat Gianni De Biasit dhe Benny Carbone si trajner dhe ndihmës të parë të Kombëtares”, ka shkruar gazetari.
De Biasi është emër i njohur për shqiptarët, ngase kishte shkruar histori me Kombëtaren shqiptare duke e kualifikuar në Evropianin e vitit 2016 për herë të parë në histori.
Përzgjedhësi italian me nënshtetësi shqiptare lidhet me stolin e Kombëtares së Kosovës.
Kosova për momentin ka angazhuar trajnerin, Primoz Glihan në postin e selektorit, ndërsa në muajt në vijim pritet të vendoset se kujt do t’ia besojnë këtë detyrë.
