Deklarohet vajza e të moshuarës në Pejë, thotë se është tmerruar nga rasti

02 nëntor 16:09

Një rast tejet i rëndë ka ndodhur së fundi në Pejë. Në shtëpinë të moshuarve “Orenda” në Pejë, një grua e moshuar është rrahur fizikisht nga disa infermiere.

Ky rast është bërë publik sot, përmes një video-incizimi.

Pos kësaj ka reaguar Policia e Kosovës, ku ka arrestuar të dyshuarën kryesore si dhe infermieren përgjegjëse të ndërrimit në këtë rast.

Por në një lidhje telefonike për “RTV Dukagjini” është deklaruar edhe vajza e të moshuarës, e cila është shprehu e tmerruar dhe në një gjendje jo të mirë emocionale.

Telefonin e saj e ka kapur pas pak çasteve, bashkëshorti, i cili ka thënë se me të marrë informatën ka lajmëruar policinë në rajonin e Gjakovës.

“E kam lajmëruar policinë e Gjakovës, siç duket e kanë arrestuar, të shohim tash kush është ajo pse është përdorur ajo dhunë”, ka thënë dhëndri i të moshuarës.

Nga Prokuroria Themelore në Pejë kanë deklaruar se të dyshuarat në këtë rast janë ndaluar për 48 orë.

Lajme të sponsorizuara

Të fundit
Në nderim të heronjve Afrim Zhitia dhe Fahri Faziu, në…