Konjufca: Afrim Zhitia dhe Fahri Fazliu, shembull kuptimplotë i sakrificës për liri

02 nëntor 2022 | 16:05

Në nderim të heronjve Afrim Zhitia dhe Fahri Faziu, në përvjetorin e 33-të të rënies, kryetari i Kuvendit të Republikës së Kosovës, Glauk Konjufca, ka bërë homazhe te varrezat e tyre në Velani të Prishtinës.

Pas homazheve, kryetari Konjufca ka thënë se Afrimi e Fahriu ishin shembulli më kuptimplotë i sakrificës për liri, që frymëzuan  edhe brezat e mëpastajmë.

“Erdhëm për të nderuar heronjtë tanë, të cilët këtu e 33 vjet më parë dhanë shembullin më sublim se si jepet jeta për lirinë e atdheut. Ata me pushkë në dorë i luftuan forcat e okupatorit dhe ranë heroikisht në krye të detyrës”, ka thënë Konjufca.

Konjufca ka theksuar se Afrim Zhitia dhe Fahri Fazliu ishin të frymëzuar nga veprimtaria e Rexhep Malës e Nuhi Berishës, të cilët dhanë jetën në po të njëjtën mënyrë.

“Shembullin e tyre e ndoqën më pas mijëra djem e vajza, të cilët në vitet 1998-1999 u bashkuan në Ushtrinë Çlirimtare të Kosovës, duke e përjetësuar aktin heroik të  Afrimit e të Fahriut. Do të kujtohen dhe nderohen sa të ketë popull shqiptar”, ka thënë Konjufca.

Lajme të sponsorizuara

Të fundit
Duda Balje, deputete në Kuvendin e Kosovës, ka reaguar rreth…