Deputetja e Lëvizjes Vetëvendosje dhe bashkëshortja e Rexhep Selimit, Shqipe Mehmeti-Selimi, ka folur në seancën e Kuvendit të Kosovës me rastin e 26-vjetorit të “Epopesë së UÇK”-së.

Në fjalën e saj, ajo ka përmendur ish-krerët e UÇK-së që po akuzohen nga Gjykata Speciale e Hagës.

Mehmeti-Selimi ka thënë se drejtësia do të triumfojë.

“Sot në homazhe, në përkujtim do të duhej të ishin ata që luftuan. Por, ata janë larg nga këtu, larg nga Prekazi. Drejtësia do të triumfojë. Shpreh respektin më të lartë për sakrificën më të lartë të popullit liridashës”, ka thënë ajo.