Xhudistja e Kosovës, Distria Krasniqi e ka fituar medaljen e artë në garën ndërkombëtare Grand Prix në Tashkent të Uzbekistanit.

Komiteti Olimpik i Kosovës ka publikuar një fotografi në të cilën shihet flamuri i Kosovës duke valuar mbi atë të Serbisë, garuesja e të cilit shtet fitoi medaljen e bronztë.

“Flamuri ynë duke valuar lart në Tashkent të Uzbekistanit. Faleminderit #DistriaKrasniqi. Xhudistja jonë fitoi medaljen e artë”, është shkruar në faqen zyrtare të Komitetit Olimpik të Kosovës në “Facebook”.