Skuadra kampione e Kosovës, Drita ka bërë edhe kërkesën e tretë për zhvillimin e ndeshjes ndaj Linfieldit.

Feti Murseli, drejtori i klubit nga Gjilani ka treguar në Klan Kosova tri kërkesat e Dritës për UEFA-n.

“Kërkesa e vetme është që të zhvillohet ndeshja. Neve na është bërë e padrejtë. Vendimi ka qenë subjektiv. Jemi dëmtuar. Autoritetet kanë vendosur të kthehemi në Kosovë”, deklaroi Murseli. “Në momentin e parë kemi kërkuar që ndeshja të zhvillohet pas tri ditësh, por prapë përgjigjja ka qenë e njëjtë. Në kërkesën e dytë kemi kërkuar që ta zhvillojmë ndeshjen me juniorë, që po ashtu u refuzua”, ka shtuar ai.

“Dje e kemi bërë edhe një kërkesë që takimi mes Legias dhe Linfield të shtyhet, që ne ta luajmë ndeshjen. Tani jemi në pritje”, ka shtuar Murseli.