Pal Ndrecaj

Një tekst prej katër faqesh

i cili ishte pëlqyer nga 200 veta

synonte ta ngrehte në qiell një hiçpoet

Në prani të nja 200 vetave

katër varrmihës lëshojnë me vështirësi në gropë

një arkivol me një kufomë burri

Nga kjo merret vesh se peshat që duhen ngrehur

me ndihmën e të tjerëve

dhe ato që lëshohen me litarë

duhet të kenë qenë të vdekura

që më parë

Mirëpo tash për tash jam i shqetësuar

me këta 200 veta që

duartrokasin ose rrinë si të mpirë

në mënyrë përherë rituale