Alban Hajrushi

Vdiqën gratë,

s’ka më gra, vdiqën,

pranvera, vera, vjeshta,

dimri

i la veç varret.

Disave ua mbyllën diellin me duar,

disa i varrosën para se të vdisnin.

Vdiqën gratë,

heshtja e vjeshtës lëshon britma,

bota numëron ditët,

asnjëherë varret.

S’ka më gra…

Dritaret u mbyllën,

emra që s’kthehen më.

Humbën në këtë jetë,

pa u kthyer më kurrë

në pranverë,

në verë,

në vjeshtë,

në dimër.

Heshtja mbeti në çdo derë.