Duke qarë

E dashur, larg teje, në vend të huaj

Mbeta duke qarë

Rrugëve që fund s’kanë

Vdiqa duke qarë

Nuk e di a është sehire a magji

Nuk zgjidhet nyja e dashurisë

Atë që te ti e kam dashur

E gjeta duke qarë

Bukur të pashë në grumbull

Beli i hollë sytë e lodhur

Je më e bukur se të gjitha

E dita duke qarë

Eja, gjemë mua, mos u huto

Futu në gjoksin tim porsi zog

Shiko, unë rob në derën tënde

U bëra duke qarë

E dashur, përse sytë i ke të molisur?

A edhe e mërzitur je?

Ditën që u ndava nga ti

Qesha duke qarë

Larg

Çdo ditë të kërkoj ty

Përse je larg nga unë?

Pyes male e pyes gurë

Përse je larg nga unë?

Një bylbyl i djegur këndon

Ma kujton tëndin zë

Sytë më janë përmalluar për tënden fytyrë

Përse je larg nga unë?

Bari është zverdhur e tharë

Lulet përtokë janë përplasur

Toka në shkretëtirë është shndërruar

Përse je larg nga unë?

Në këtë qoshe uleshe ti

Këtu në këmbë rrije

Këtu tundeshe duke ecur

Përse je larg nga unë?

Fytyra ime druhet të qesh

Fytyrës sime lotët rrjedhin

Si jetohet kur s’je ti?

Përse je larg nga unë?

Përktheu: Fatijona Bajraj