Edita Tahiri i përgjigjet Ramës: Nuk ishte i zoti të kundërshtoje në Serbi ndryshimin e kufijve

10 janar 20:38

Ish-kryenegociatorja e Kosovës për bisedimet me Serbinë, Edita Tahiri, i është përgjigjur nëpërmjet “Ora News”, deklaratave të Edi Ramës kundër saj në lidhje me vendimin e presidentit Ilir Meta për të mos dekretuar Gent Cakajn në postin e ministrit të Jashtëm.

Gjatë intervistës për “Ora News”, Edita Tahiri ka theksuar se Rama nuk ishte i zoti për të kundërshtuar gjatë vizitës në Beograd ndryshimin e kufijve midis Kosovës dhe Serbisë.

Edita Tahiri: Mendoj që presidenti Meta bëri një vendim kombëtar dhe vizionar sepse nuk dekretoi një kandidat që ishte hapur për ndryshimin e kufijve, që i bie që ka qenë hapur pro dëmtimit të interesave nacionale. Me këtë vendim, Presidenti Meta edhe një herë e rikonfirmoi ashtu siç është deklaruar që është në mbrojtje të shtetit të Kosovës dhe luftës tonë 100 vjeçare për të ardhur deri tek pavarësia.

Kryeministri Rama është mjaft i pasur me fjalorin e tij për të bërë reagime, dhe s’di si e gjen për kohën për këtë, në vend që të ulet dhe të mendojë strategjikisht për kombin shqiptar, për luftën gjeopolitike që po ndodh sot në dialogun e Brukselit. Vetë Edi Rama kur ishte në Serbi në vitin 2016, nuk ishte i zoti t’i thoshte jo ndryshimit të kufijve homologut serb dhe në këtë lojë u përfshi edhe zt.Thaçi, duke importuar ide serbo-ruse. Këto nuk janë vetëm në dëm të Kosovës, por në dëm të kombit shqiptar. Sot është koha që vetë zt.Rama të ulet dhe të mendojë pse nominoi këtë kandidat dhe pse largoi Ditmir Bushati, i cili mbrojti kufijtë e Kosovës. Më shumë se çështje individësh, kjo është një çështje kombëtare.

Liderët kanë përgjegjësi. Unë jam një prej themeluesve të këtij shteti. Ne në 100 vjet kemi bërë luftë. Rama nuk ka qenë fare në Shqipëri për 10 vjet kur ne kemi luftuar përballë armikut. Kemi përjetuar gjithë atë gjenocid dhe prapë jemi ku jemi sepse shqiptarët e bëjnë shqiptarinë dhe tokat janë tonat. Prandaj, këmbimi i territoreve nuk mund të ndodhë sepse edhe veriu i Kosovës edhe Lugina e Preshevës janë tonat. Mos të flasim që historia jonë ka qenë deri në Nish. Nuk e di se sa i di zt.Rama këto se ndoshta është i zënë me këto këmbime.

Lajme të sponsorizuara

Të fundit
DIJE DEMIRI-FRANGU Analizë pikturës portret të autorit Agim Sulajt, “Gjergj…