Trajneri Unai Emery mbetet tek Aston Villa. Trajneri spanjoll është një nga faktorët kryesorë shtytës pas periudhës së shkëlqyer dyvjeçare që po përjeton klubi nga Birminghami.

Sipas asaj që raportohet nga “The Athletic”, ai tashmë ka rinovuar kontratën deri më 30 qershor 2027 me klubin që aktualisht ndodhet në vendin e katërt të Premier Ligë dhe me të cilin ka arritur në të njëjtën kohë edhe në gjysmëfinale të Ligës së Konferencës. Në vizionin e pronarëve të klubit, Emery duhet të bëhet versioni i tyre i krijuar në Birminghami të asaj që bëri Sir Alex Ferguson në kohën e tij te Manchester United.

Me pak fjalë, Aston Villa ka çdo synim të mbajë trajnerin që i ktheu në Evropë për sa më shumë që të jetë e mundur. Nga ana e tij, vetë trajneri do të kishte vlerësuar gjithmonë hapësirën e gjerë të manovrimit që klubi anglez i lejoi të kishte që nga momenti i mbërritjes.