Ende nuk dihet e ardhmja e Grezdës

10 gusht 2019 | 14:21

Karriera e Eros Grezdës është në udhëkryq për momentin.

Sulmuesi anësor i kombëtares shqiptare është nxjerrë në merkato nga Glasgow Rangers pasi nuk bën më pjesë në planet e trajnerit Steven Gerrard por për momentin klubi skocez po mban peng të ardhmen e kuqeziut pasi siç e ka konfirmuar edhe vetë Gerrard ofertat që kanë mbrritur për Grezdën nuk kanë qenë ato të duhurat.

“Kemi pasur disa kërkesa për huazim, por për momentin shifrat e ofruara nuk i pëlqejnë klubit. Ai ka aktualisht 2 ose 3 mundësi huazimi që janë në zhvillim e sipër. Kjo është situata deri në momentin që unë po flas”, theksoi Steven Gerrard.

Grezda aktualisht është duke u stërvitur me skuadrën e rezervave dhe është në pritje të transferimit në një tjetër kampionat. Është folur shumë për kalimin e tij në Francë te Brest por bisedimet mes Rangers dhe klubit të sapongjitur në Ligue 1 për momentin kanë ngecur.

Fjalët Kyçe:

Lajme të sponsorizuara

Të fundit
Sot bëhen 21 vjet nga rënia heroike e Bekim Berishës-Abesë,…