Emisari i Bashkimit Evropian (BE) për dialogun Kosovë-Serbi, Mirsolav Lajçak, në ditën e dytë të vizitës në Prishtinë,  është takuar edhe me shefin e misionit të  EULEX-it, Lars-Gunnar Wigemark, dhe me komandantin e KFOR-it, Frenc Kajari.

Pas këtij takimi, ka reaguar eurodeputeti austriak, Lukas Mandl, i cili e ka pyetur Lajçakun se çfarë ka arritur lidhur me njohjen e Kosovës nga pesë shtetet anëtare të BE-së.

“Në rregull. E kur kjo përpjekje e juaja do të sjellë rezultate? Çfarë keni arritur në lidhje me njohjen nga pesë shtetet anëtare të BE-së. Dhe në mënyrë që Serbia ta vendosë normalizimin në kontakt dhe ndërveprim? Njerëzit e krejt Evropës meritojnë rezultate”, ka shkruar Mandl në llogarinë e vet në “Twitter”.