Trajneri i Përfaqësues së Kosovës, Alain Giresse në konferencë për media, para dy ndeshjeve të radhës kualifikuese për “Euro 2024”, ndër tw tjera foli edhe për mosftesën e Hadërgjonajt, Berishës dhe Zenelit. Ai tregoi për secilin arsyet e mungesës së tyre në listë.

“Sa i përket Hadërgjonajt ka të bëjë me arsye personale që nuk ka mundur të vijë në këtë grumbullim. Sa i përket Berishës ka të bëjë me zgjidhje sportive. Me takon mua ta marr vendimin. Sa i përket Zenelit dhe Bytyqit ka të bëjë me minutazhin e pakët me ekipet respektive. Ndoshta nuk janë të gatshëm të mblidhen në këtë grumbullim. Ka të bëjë po ashtu me zgjidhje sportive”, ka thënë Giresse.