Gojani ndahet me Vëllaznimin
13 mars 2023
| 12:28
Trajneri Arsim Gojani dhe pjesa e tjetër e shtabit teknik në skuadrën e Vëllaznimit kanë dhënë dorëheqje. Lajmin e ka konfirmuar vet skuadra kuqezi.
“Pas rezultateve negative të katër xhirove të para, kryetrajneri Arsim Gojani dhe shtabi teknik kanë ofruar dorëheqje të parevokueshme. Pas ndeshjes së sotme është mbajtur mbledhja e bordit drejtues të klubit, ku është miratuar dorëheqja e shtabit teknik dhe falënderojmë kryetrajnerin Gojani dhe shtabin teknik për kontributin e dhënë dhe angazhimin tyre të palodhshëm gjatë këtyre tre muajve”, thuhet në njoftimin e klubit gjakovar.
Skuadra e Vëllaznimit renditet në vendin e fundit në Ligën e Parë, grupi A.