Ish emisari special amerikan për dialogun Kosovë-Serbi, Richard Grenell, ka reaguar pas qëndrimit të fundit të liderit të Lëvizjes Vetëvendosje, Albin Kurtit rreth lokacionit të Ambasadës së Kosovës në Jerusalem.

Grenell përmes një postimi në “Twitter” e ka quajtur Kurtin antiamerikan, pasi siç tha ai Kurti është kundër politikave të ShBA-së të sugjeruara nga ish presidentët e saj.

“Lideri i ri i Kosovës, majtisti antiamerikan, Albin Kurti ka qenë kundër politikave të ShBA-së të sugjeruara nga Bill Clinton, George Bush, Barack Obama dhe Donald Trump. Ai gjithmonë është antiamerikan”, ka shkruar Grenell.

Ai po ashtu thotë se ekipi i Bidenit duhet ta ndalojë këtë, duke cituar këshilltarin e sigurisë kombëtare të presidentit, Joe Biden, Jake Sullivan.

The Left wing anti-American new leader of Kosovo Albin Kurti has been against US policies suggested by Bill Clinton, George Bush, Barack Obama and Donald Trump. He’s always the anti-American.

The Biden team should stop this….@jakejsullivan https://t.co/cNHqFFIDMd

— Richard Grenell (@RichardGrenell) March 2, 2021