Haki Abazi i bashkohet Lëvizjes Vetëvendosje

20 gusht 14:51

Haki Abazi është bërë pjesë e Lëvizjes Vetëvendosje.

Lajmin e ka bërë me dije kryetari i Lëvizjes Vetëvendosje Albin Kurti.

“Njohuritë e gjera dhe eksperienca zhvillimore e Hakiut në Kosovë dhe vende të ndryshme nëpër botë, e bëjnë atë një vlerë të shtuar në Lëvizjen tonë”, ka shkruar Kurti në llogarinë e vet në “Facebook”.

“Hakiu njihet, në mes tjerash, për përkrahjen e tij të vazhdueshme në themelimin e dhjetra organizatave në Kosovë që promovojnë filantropinë, zhvillimin e qëndrueshëm, ide ndërmarrëse inovative, lirinë e mediave, luftën kundër korrupsionit, dhe qeverisjen e përgjegjshme. Ai ka jetuar e punuar në 120 shtete të botës në këto 20 vitet e fundit. Me Hakiun në Lëvizje, ndryshimet e domosdoshme në shtetin tonë po bëhen edhe më të afërta edhe më të lehta. Do të ecim bashkë drejt zgjerimit të mëtutjeshëm dhe fitores së pashmangshme”, ka shkruar Kurti.

/Epoka e re/

Lajme të sponsorizuara

Të fundit
Përfaqësuesit e Odës Ekonomike Amerikanë në Kosovë (OEAK), kanë organizuar…