Hakohet telefoni i Liz Truss, dyshohet nga agjentët rusë që punonin për Putinin

30 tetor 08:15

Spiunët rusë hakuan telefonin personal të Liz Truss, duke fituar qasje në informacione tepër sekrete, kanë pohuar burimet.

Hakerët që punojnë për presidentin Putin besohet se qëndrojnë pas këtij sulmi.

Hakimi u zbulua gjatë fushatës verore të lidershipit konservator, kur zonja Truss ishte sekretare e Jashtme.

Mesazhet që ranë në duart ruse përfshinin diskutime për Ukrainën me zyrtarë të huaj.

Detaje të dërgesave jetike të armëve në vendin e shkatërruar nga lufta ishin midis mesazheve.

Diskutimet midis zonjës Truss dhe ish-kancelarit Kwsi Kwarteng dolën gjithashtu në dritë.

Zonja Truss ishte aq e shqetësuar për shkeljen e sigurisë sa nuk mund të flinte.

Ajo kishte frikë se lajmi i hakimit do ta “shkatërronte” mundësinë e saj për t’u bërë kryeministre.

Ngjarja besohet të jetë arsyeja që ish-kryeministrja ka ndryshuar numrin e celularit përpara se të hynte në numrin 10.

Telefoni tani besohet se është mbyllur në një vend sekret qeveritar për ta zvogëluar mundësinë e shkeljeve të mëtejshme.

Shkelja mund ta lërë qeverinë britanike në rrezik shantazhi.

Zëdhënësi i Qeverisë së Mbretërisë së Bashkuar tha: “Ne nuk komentojmë marrëveshjet e sigurisë së individëve.

Qeveria ka sisteme të fuqishme për t’u mbrojtur nga kërcënimet kibernetike.

Kjo përfshin informime të rregullta të sigurisë për ministrat dhe këshilla për mbrojtjen e të dhënave të tyre personale dhe zbutjen e kërcënimeve kibernetike”.

Lajme të sponsorizuara

Të fundit
Ngrohtë, kthjellët dhe me diell edhe sot, parashikon “Prishtina Weather”.…