“Në Monza kam fituar disa herë, duke ua prishur festën tifozëve italianë të Ferrarit. Më pas ata më kanë kërkuar që një ditë ta pilotoj makinën italiane. Nuk e di nëse do ta realizoj ndonjëherë këtë gjë, por nëse largohem nga Mercedesi, opsioni i vetëm do të jetë Ferrari”, u shpreh Lewis Hamiltoni.

Gjithsesi, piloti britanik pranon se vështirë se ai do të largohet nga makina gjermane. “Kur je pjesë e Mercedesit, kur je pjesë e kësaj familje për një kohë të gjatë, vështirë të largohesh kur sheh rezultatet pozitive”, ka deklaruar Hamiltoni.

“Te Ferrari janë dy pilotë të mëdhenj. Vettel e njohim të gjithë, ndërsa Leclerc e ka më të lehtë tani që fitoi një herë. Madje për të do të jetë më e lehtë. Unë do ta bëj maksimumin për të fituar, edhe pse kjo është një pistë që favorizon Ferrarin. Koha mund t’i bëjë gjërat e thjeshta më të vështira, ndaj të shohim”, ka shtuar Hamiltoni.