Hamza pret në takim ambasadorin e ri të Finlandës, diskutojnë për lidhjet ekonomike

06 tetor 11:44

Kryetari i Komunës së Mitrovicës, Bedri Hamza, i shoqëruar nga drejtoresha e DKRS-së, Valdete Idrizi, ka pritur në takim ambasadorin e ri të Finlandës në Kosovë, Matti Nissinen, të cilin e uroi për marrjen e detyrës.

Në këtë takim është diskutuar për çështje të ndryshme, konkretisht për fushën e arsimit, kulturës, si dhe për mundësitë e nxitjes së zhvillimit ekonomik në qytetin e Mitrovicës.

Kryetari Hamza i shprehi mirënjohjen e tij për mbështetjen e vazhdueshme të shtetit të Finlandës ndaj Republikës së Kosovës, ndërsa ambasadori Nissinen e falënderoi për mikpritjen që i është bërë gjatë vizitës së tij në Mitrovicë.

Në fund të dy palët u pajtuan për të thelluar bashkëpunimin më tutje për të forcuar lidhjet ekonomike ndërmjet të dy vendeve.

Lajme të sponsorizuara

Të fundit
Prokuroria Themelore në Prishtinë ka bërë me dije se pas…