Eksperti i çështjeve ushtarake dhe të sigurisë, Ramadan Qehaja, hapjen e Zyrës të Ministrisë së Mbrojtjes të Rusisë në kuadër të Ministrisë së Mbrojtjes së Serbisë e sheh një hap të paramenduar të Beogradit zyrtar për zbatimin e një lufte speciale për t’iu kanosur shteteve fqinje, në veçanti shtetit të Kosovës, raporton “Epoka e re”.

“Hapja e Zyrës Ruse të mbrojtjës në kuadër të Ministrisë së Mbrojtjes së Serbisë, në fakt përbënë një hap të paramenduar të shtetit serb për të zbatuar një lufte speciale por edhe për të iu kanosur shteteve fqinje e në veçanti Kosovës”, ka shkruar Qehaja në llogarinë e vet në “Facebook”.

Ai ka thënë se zyrtarizimi i tillë i prezencës ushtarake ruse në Serbi duhet të shërbejë si këmbana e fundit për institucionet e Kosovës që të ngrisin gatishmërinë institucionale e në veçanti të atyre të sigurisë dhe të monitorojnë zhvillimet e fundit të cilat gjithsesi se kanë për qëllim nxitjen e destabilizimit në Kosovë e rajon.

“Pavarësisht prej situatës së krijuar lidhur me veprimet e lartëcekura serbe, Kosova duhet përveç përgatitjeve për vetëmbrojtje, të vijoj aspiratën e saj për fuqizim tutje të aleancës me akterët perëndimor si një vizion i vetëm i palëkundur në funksion të paqës dhe sigurisë në Ballkan e Evropë”, ka shkruar Qehaja.   

Shkrimi i plotë i tij:

Me shkas:

Hapja e Zyrës Ruse të mbrojtjës në kuadër të Ministrisë së Mbrojtjes së Serbisë

Hapja e Zyrës Ruse të mbrojtjës në kuadër të Ministrisë së Mbrojtjes së Serbisë, në fakt përbënë një hap të paramenduar të shtetit serb për të zbatuar një luftë speciale por edhe për të iu kanosur shteteve fqinje e në veçanti Kosovës. Ajo bëhet në vazhdën e një veprimi të rrezikshëm të Serbisë e cila ka arritur të përgadisë dhe krijoi mardhënie partneriteti me Rusinë dhe Kinën e që përbënë sfidë para së gjithash për vetë aleancën e NATO-s. Më konkretisht, rritja e armatimit të Serbisë ngërthen një kërcënim direkt për stabilitetin e rajonit dhe është në shpërputhje me pretendimet gjëja bashkëpunuese të lidershipit aktual në Serbi për kinse arritjen e një paqe të qëndrueshme në rajon.

Zyrtarizimi i tillë i prezencës ushtarake ruse në Serbi duhet të shërbejë si këmbana e fundit për institucionet tona që të ngrisin gatishmërinë institucionale e në veçanti të atyre të sigurisë dhe të monitorojnë zhvillimet e fundit të cilat gjithsesi se kanë për qëllim nxitjen e destabilizimit në Kosovë e rajon. Diplomacia e Kosovës duhet të veproi në drejtim të një ri-bashkërendimi me partnerët tanë për t’i informuar lidhur me lëvizjet e fundit në Serbi, të cilat në secilin variant janë edhe kundër interesave të partnerëve bilateral kryesor dhe NATO-s.

Pavarësisht prej situatës së krijuar lidhur me veprimet e lartëcekura serbe, Kosova duhet përveç përgatitjeve për vetëmbrojtje, të vijoj aspiratën e saj për fuqizim tutje të aleancës me akterët perëndimor si një vizion i vetëm i palëkundur në funksion të paqës dhe sigurisë në Ballkan e Evropë.   

R.Q