Haradinaj: Situata alarmante, Qeveria po kopjon plane

16 mars 2020 | 12:19

Kryetari i AAK-së, Ramush Haradinaj ka kërkuar të përgatitet Parku Inovativ Trajnues në Prizren si qendër rezervë për karantinë dhe trajtim mjekësor, pas konfirmimit të 13 rasteve me koronavirus në Kosovë.

Në profilin e tij  në “Facebook”, Haradinaj ka shkruar se Qeveria po kopjon plane të cilat nuk përkojnë me kapacitetet dhe specifikat e vendit.

Postimi i plotë i Haradinajt:

Situata me virusin COVID-19 është në pikën alarmante. Qeveria ende nuk ka bërë përgatitjet e duhura nëse gjendja përshkallëzohet.

Menjëherë të përgatitet Parku Inovativ Trajnues në Prizren si qendër rezervë për karantinë dhe trajtim mjekësor duke u shërbyer me planin operativ i cili është aplikuar me rastin e tërmetit në Shqipëri, ku u strehuan të prekurit atje.

Kosova duhet të dizajnojë planin e saj të parandalimit dhe mbrojtjes nga ky virus e jo të kopjojë plane të cilat nuk përkojnë me kapacitetet dhe specifikat tona!

.

Lajme të sponsorizuara

Të fundit
Ministri i Financave  dhe Transfereve, Besnik Bislimi, ka nxjerrë vendim…