Kryeministri Ramush Haradinaj ka pritur sot në takim zjarrfikësit, me të cilët ka biseduar për kërkesat e tyre.

Haradinaj ka thënë se kërkesat e tyre po marrin zgjidhje.

Në këtë takim me Haradinajn ishte edhe Koordinatori Nacional për Reforma Shtetërore, Besnik Tahiri.

“Që nga fillimi kemi punuar që Zjarrfikësve t’u ofrohet zgjidhje e qëndrueshme, afatgjate dhe përmes ligjit”, ka shkruar Haradinaj në llogarinë e vet në “Facebook”.

Postimi i plotë i Haradinajt:

Që nga fillimi kemi punuar që Zjarrfikësve t’u ofrohet zgjidhje e qëndrueshme, afatgjate dhe përmes ligjit. 

Dhe kjo po ndodhë tani!

Nga 5 kërkesa që kanë pasur zjarrfikësit ne sot, konkludojmë se: 

* Kemi ndarë buxhet mbi një milion euro për nivelimin e koeficienteve në nivel vendi për zjarrfikësit, veprim ky që drejtpërdrejt shton të hyrat financiare për këtë shërbim. 

* Kemi miratuar Koncept Dokumentin për Financat e Pushtetit Lokal që zgjidhë përfundimisht problemin e pagesës për ta, duke e kaluar këtë përgjegjësi në nivelin qendror. 

* Kemi iniciuar procedurën për shërbime mjekësore pa pagesë, në shtëpi shëndeti dhe në spitalet tona. 

* Jemi në fazën përfundimtare të blerjes së pajisjeve të reja për punë, në vlerë prej 600 mijë eurosh. 

* Përkundër që në ligjin ekzistues orët shtesë duhet paguar nga Komunat, ne kemi marrë zotime që do e shqyrtojmë mundësinë të ndajmë mjete financiare edhe për këtë kërkesë.

* Në ligjin e ri për paga, jemi duke punuar që zjarrfikësit të jenë të barabartë me të gjitha shërbimet e tjera nacionale që kanë rrezikshmëri të lartë në punë. 

Orientimi ynë është që ky shërbim, të marrë rolin e një force nacionale që do të shërbej për vendin. 

Temat e pa trajtuara prej dekadash, po marrin zgjidhje!

RH