Haradinaj uron Talat Xhaferin: Fillimvit i mbarë për shqiptarët

28 janar 2024 | 14:31

Kryetari i Aleancës për Ardhmërinë e Kosovës (AAK), Ramush Haradinaj, ka uruar kreun e BDI-së, Ali Ahmeti për zgjedhjen e Talat Xhaferit si kryeministër i parë shqiptar i Maqedonisë së Veriut.

Haradinaj e ka quajtur fillimvit të mbarë për shqiptarët zgjedhjen e Xhaferit kryeministër.

“Një fillimvit i mbarë për shqiptarët e Maqedonisë së Veriut, për vet shtetin dhe mbarë rajonin”, ka shkruar Haradinaj në “Facebook”.

Haradinaj ka thënë se zgjedhja e Xhaferit kryeministër, përbën lajmin më të mirë për të ardhmen e shqiptarëve në Maqedoninë e Veriut.

“Zgjedhja e Talat Xhaferit, si kryeministër i parë shqiptar në Maqedoninë Veriore përbën lajmin më të mirë për të ardhmen e shqiptarëve atje dhe për shtetin tonë fqinj”, ka shkruar Haradinaj.

Duke e uruar Xhaferin për postin e kryeministrit, Haradinaj ka thënë se e ardhmja e përbashkët e dy vendeve është në BE dhe NATO.

“Mikut tim Talat Xhaferi, sikurse kreut të BDI-së, Ali Ahmeti, i uroj përzemërsisht për këtë të arritur historike, duke qenë të bindur se e ardhmja jonë e përbashkët është në Bashkimin Evropian, në NATO dhe mekanizma tjerë të rëndësishëm ndërkombëtar, ka përfunduar Haradinaj.

Lajme të sponsorizuara

Të fundit
Talat Xhaferi ka mbajtur fjalimin e parë pas marrjes së…